你若係焗腦工人 PARTⅡ

感謝本土語指導員～峻誠主任的協助，如果你是焗腦工人續集翻譯成客語囉！接下來就要麻煩振乾老師指導小朋友用客語錄製客語版電子書了。



假使你係焗腦工人PARTⅡ～創新摎突破

　

　　化學合成樟腦个出現分焗腦產業沒落，毋過也分樟樹林有機會保存下來，異難分做講係好事也係壞事，故所，焗腦工人个生活確實因為化學合成樟腦个出現來改變了。在何治郎先生、張六郎先生、郭國籐先生摎學校校長、先生佢兜个𢯭手，𠊎兜正寫出化學合成樟腦出現了後个國姓焗腦工人个生活。

　　除了過去，恩係毋係也做得尋到有可能个、無共樣个未來大坪（長福）呢？

　　1980年代後期，化學合成个樟腦替換忒用樟樹提煉个樟腦，臺灣个樟腦業漸漸沒落，焗腦工人个生活也跈等改變。

孫：阿公，到國姓地區開採樟腦个客家人在樟腦沒落了後過等哪樣个生活呢？

公：有人種芎蕉，大量外銷个年代，收入當好。

    山區排水好，芎蕉又香又Q，當受日本人个歡迎。較早个年代通訊無方便，有收芎蕉个 

    日子，芎蕉市場就會插上芎蕉旗，種芎蕉个人看到旗子，就會採收芎蕉送到芎蕉市場。

公：有人摎樟腦竂轉型去焗香茅油。

    香茅草一年做得割三擺，提煉方式摎樟腦共樣，用个使作也當相像。焗个香茅油除了用

    來防蚊仔，主要外銷製作精油。

公：有人畜水鹿，割鹿茸作中藥。

    南港地區有人捉野生水鹿來畜，開創國姓地區个畜鹿仔个事業。公鹿做得割鹿茸，鹿嫲

    做得降鹿子，都有異高个經濟價值。

公：有人種甘蔗，送到糖廍去製糖。

    石門摎燥坑（乾峰）地區都有糖廍，大量收買甘蔗製糖。

    甘蔗有兩種，白甘蔗用來製糖，紅甘蔗做得直接吃。

公：有人採用山項个黏泥，建造土窯燒磚燒瓦。

    國姓、水無流（長流）地區个泥質適合製作磚瓦，較早年代國姓有磚窯、水無流（長流）

    有瓦窯，只要注意公車站牌个名，就知磚窯摎瓦窯个遺蹟在哪位。

公：有異多人家種樹薯，做得食，也做得畜頭牲。

    樹薯異好種，刨絲曬燥了做得賣分食品加工廠製造樹薯粉也係做食品个補充材料。

公：有人種相思樹林，賣樹材分外地人製造樵炭。

    相思樹大當遽，燥樵好燒又耐火，早期个樵炭都係用相思樹製造个，國姓地區無炭窯，

    大个相思樹會賣到苗栗地區分做樵炭个業者。

公：有人種檳榔，檳榔做得提神，也做得做中藥。

    檳榔大量種作在台灣各地山區，國姓地區也共樣，早期識分人安到「綠色黃金」，係異

    重要个經濟作物。在健康議題摎環保意識提高了後，有沒落摎轉型个情形。

    檳榔个收成期當長，除了七、八月以外，都有檳榔好採收。

    剪檳榔係國地區當多婦人家重要个經濟來源，也有當多小朋友放學了後，會跈等去剪檳

    榔，打幫家庭个收入。

公：其他个果子像係梅子、草莓、枇杷，在國姓各地都有毋會歪个收成。除了水果類，目前

    當紅个農作物就係國姓咖啡。

    配合各種農特產品收成个季節，國姓鄉都會舉辦各種客家文化祭典～搶成功、鹿神祭、

    桐花祭、橄欖祭……。除了農特產品展覽買賣以外，還有各種鬧熱个活動。

公：國姓鄉一年一度个「搶成功」活動正鬧熱，也有各種農特產品展出，恩共下去看啊！

孫：好啊，去看搶成功。

    國姓鄉个搶成功活動係客庄十二大節慶之一，活動期間，全鄉總動員，參加遊街遶境摎

    各種競賽、表演，異鬧熱。

公：你下二擺大仔有想留在大坪（長福）無？除了務農以外，還做得有麼个無共樣个發展無？

孫：恩有討論過喔！若係大坪（長福）个地形環境、生態特性，恩規劃了六種可能个發展。

孫：恩做得在溪流邊脣設計一個做得適應環境變遷个科技區，發展最新科技。

孫：恩做得經營牧場，配合好搞个(DIY)活動摎好吃个牛奶糖，應該會異受歡迎，無一定還做

    得從動物个屎糞肚發現新个能源。

孫：恩做得在山區建立長壽村，風景優美、舒適个天時做得分老人家心情舒爽身體㝩健，無

    一定還做得發現康健个祕密。

孫：恩做得設計做生態露營區，分大家認識生物个天性摎自然生態，無一定還做得發現新个

    動物摎植物。

孫：恩做得開一間咖啡廳，除了分遊客品嚐咖啡，也分大家感受著幸福。

孫：恩做得用蜿蜒个山路設計賽車場，分後生人追求飆車个快感，又不會造成別人个危險。

孫：恩不但規劃了發展个方向，還愛尋出需要个能力，像經營生態區愛有急救、野外求生个能力，經營咖啡廳可能會堵到外國人，愛有好个語言能力……，故所愛繼續打拚學習。

公：無想到恩焗腦工人个下一代還有恁多不同个發展，端真當好。